Aizawl June 14, 2023 : Vawiin khan Association for Voluntary Blood Donation chuan Dawrpui Multipurpose Hall ah World Blood Donor Day-2023 pualin thisen pe tha chawimawina hun a hmang a, MNYF Headquarters chu political party aiawh zingah thisen pe hnem ber an ni.

MNYF ten lawmman pakhatna an dawnna category hi, Miscellaneous Category a ni a, he huangah hian Mizoram National Youth Front     te hian thisen hi unit 142 pe-in pakhatna an ni a, unit 78 petu Mizo Chelsea Supporters Club chu pahnihna niin, Mizoram Gorkha Youth Association chuan unit    71 an pe bawk a, pathumna an ni.

Health & Family Welfare Minister Dr R Lalthangliana chuan MNYF Hqrs' hruaitute hnenah lawmpuina thuziak leh thilpek dang nen a hlan a ni.

MNYF Heaquarters hian kum dangah pawh a mamawhtu a piang te tan thisen an pe tawh thin a, kumin hi MNF thalaite chuan thisen pe tam ber lawmman tum 3 a dawnna a ni tawh a ni.

Kumin 2023 September ni 20 a Martar Day pual pawh hian a mamawhtu a piang te hman turin MNYF Headquarters chuan thisen pêk runpui buatsaih leh a tum a ni.