Aizawl: Aizawl Municipal Corporation (AMC) chuan October ni 3,2019 atang chuan plastic/polythene kawl te chu an chawi tir zel tawh dawn.

Zalen palaiin AMC thawktute hnen atanga thu a dawn danin sawkar laipuiin plastic free city a puang tura a tih angin Mahatma Gandhi piancham, October ni 2,2019 (Nilaini) hian Mayor chuan Aizawl khawpui chu plastic hmanlohna khawpui 'plastic freee city' ah a puang dawn a. Hemi hnu atang chuan plastic kawl leh hralh te chu manin pawisa an chawitir zel tawh dawn tih an sawi.

AMC hian plastic khapna hi kalpui mahse tun dinhmunah chuan khauh takin a kalpui hrih lo a. Plastic micron 50 chin te chu an man sak a, mahse plastic free city a puan anih hnu chuan man sak mai ni lovin pawisa -an chawitir zel tawh dawn a ni.