Praise On 2022-a pakhatna Malsawmdawngzuali (Mali) chuan a official music video hmasa ber tur 'Siamtu Duan reng a lo ni' tih chu May 30, 2023 (Thawhlehni) zan hian a ti chhuak ve dawn ta.

Mali music video hmasa ber hi Thawhlehni zanah Zonet Zawlbukah tih chhuah a ni dawn a, MDM official YouTube channel-ah pawh hemi zan vek hian dah chhuah nghal a ni ang. 

Aw pui taka zai hem hem chi, Praise On 2022-a pakhat ni awm reng, Mali music video hmasa ber tura hla 'Siamtu Duan reng a lo ni' tih hi Upa V. Thangzama phuah leh a thluk pawh a siam a n. 

Recording hi HC Recording, Venghnuai-ah neih niin, video hi Sammy Khawlhring kut chhuak a ni thung. Music hi Lal K. Sailo siam sak a ni a; KTP-a a rawngbawl pui, a thian leh a unau ten back round vocals an pe a ni.

Tlangnuam West nula Mali hi Synfo leh Central KTP-in kum 2022-a Branch KTP mal zai intihsiak an buatsaihah khan pakhatna a ni a, rimawi lamah nasa zawkin a rawn inlar dawn a nih hmel.