Branch KTP mal zai intihsiakna Praise on 2022 chu neih mek zel a ni a, zanin atangin top 20-a tlingte an intihsiak tan ang.

Praise on 2022 top 20 round hi zan hnih, zanin leh naktuk zanah te Chaltlang Presbyterian Kohhran Hall-ah neih a ni dawn a, zan dar 7:30-ah tan a ni anga, Hruaina Eng channel leh Synfo youtube channel-ah te live in pek chhuah leh a ni dawn.

Zaninah mi 10 - Lalruatfeli, Bungtlang Bazaar, R. Remsangpuia, Chanmari West, R. Lalbiakfeli, Tumpui Kolasib, Vesper Lalrinawma, Saitual, R. Lalnuntluangi, Laipuitlang, Lalhmangaihtluangi, Lunglawn Lunglei, Lalramnunmawii, Durtlang, Lalhriatkimi, Diakkawn Kolasib, R. Lalmuanpuia, Rengdil leh Zosangzuala, Kulikawn West te an zai anga, naktuk zanah mi 10 an zai leh anga, intihsiakna neih zawh veleh top 10-a in hlangkai te hming puan chhuah nghal a ni ang.

Final round chu November ni 8 leh ni 17,2022-ah  Mission Vengthlang Presbyterian kohhran Hall-ah neih a ni dawn a, top 10 atanga a thiam ber thlan chhuah result puan leh lawmman sem chu November ni 18,2022-ah neih a ni ang.