DOWNLOAD OUR APP

Read latest news on your phone
app-store

Primary School-ah Hindi zir a nih theihnan central-ah zirtirtu tur dil mek

Jan 24, 2023

Mizoram Hindi Prachar Sabha Chairman RB Lalmalsawma chuan School Education Minister Lalchhandama Ralte hnenah Zofate'n Hindi kan zirna kawnga hmasawn na tur te a thlen. Minister pawhin Hindi chu Zofate tan thiam ngei a pawimawh thu leh Primary School-a Hindi zir a nih theih nan hma lak mek a nih thu a lo sawi ve bawk.

Aizawl January 24, 2023: Mizoram Hindi Prachar Sabha Chairman RB Lalmalsawma chuan 23.1.2023 zan khan School Education Minister Lalchhandama Ralte chu a chenna In-ah an hmu a, Zofate'n Hindi kan zirna kawnga hmasawn na tur te a thlen. Minister pawhin Hindi chu Zofate tan thiam ngei a pawimawh thu leh Primary School-a Hindi zir a nih theih nan hma lak mek a nih thu a lo sawi ve bawk. 

Education Minister Lalchhandama Ralte, Hindi chu Zofaten kan thiam ngei a tulin a pawimawh a, a tul ang zela hmalakna a bawhzui mek a ti a. Primary School-ah Hindi zir a nih theihnan Central-ah Primary Hindi Teacher-a dil mek thu leh a hlawhtlin ngei a rin thu te, Zofaten Hindi zir kan uar a tul thu te a sawi bakah Mizoram Education Services Rules- chu buaipui mek a nih thu a sawi a ni.

RB. Lalmalsawma chuan, School Education Department hnuaia Hindi Wing Deputy Director-in a awp mek chu Joint Director Level a tisang tur te, Hindi Teacher Post nghet hnawhkhah loh tam tak hnawhkhah a tul thu te, CSS hnuaia Hindi teacher post la hnawhkhah loh hnawhkhat thuai tur te leh CSS Hindi Teacher te hmalam hun uluk taka ngaihtuah a tul thu a thlen a. Mizoram Hindi Prachar Sabha Staff te'n hlawh reitak an lak tawh loh chu pe chhuak thuai tura ngenin Staff te pawh pek belh turin a ngen. RB Lalmalsawma chuan hnathawktu te'n tha taka an thawh laia hlawh pek theih an nih loh chuan Hindi  Board Exam Result chhuah hun pawh a khaihlak phah theih thu Education Minister hnenah hian a thlen a ni.

Share now