Aizawl: PRISM chuan kumin 2020-21 a MLA LAD Fund Vbc 60 chu kumin atan ti tawp rih turin sawrkar an ngen
Nimina thuchhuah an siamah PRISM chuan hrileng vanga ni 40 zet mipuiin inkharkhip vanga harsatna kan tawh mekte phuhruk turin sawrkarin kum 2020-21 atana MLALAD Fund Vbc 60 a dah hi kumin atana ti tawp turin kan ngen a. SEDP Board enkawlna (management) atan nikumah sum dah lo chunga Supplimentary Demand hmanga nuai 222 zet a hmanral si avangin kumin budget-ah SEDP Board atan hian sum dah ni lo mah se, Board hi thiah a nih loh avangin sum nuai za tel a ral leh ngei dawn a. Sawrkar hnenah sum renchemna (austerity measures) a tan hmun dang a mi pawt peng lo turin keini PRISM Party chuan kan ngen nghal bawk a ni, an ti.
PRISM chuan Lockdown pawhsei chungchangah ruahmanna fel tak siam a, ei leh bar ringawt ni lo, harsatna awm theite hmathlir thui tak nen thuneitu ni satliah lo a, mawhphurhna la ngam turin sawrkar kan beisei tak zet a. Mipuite pawh sawrkar thawhpui a, kan lo him tlan zawk nan a thuawih zel turin kan ngen a ni an ti bawk.