Aizawl May 9, 2024 : Vawiin khan MHIP Gen Hqrs hruaitute chuan Mizoram Pawn a Mizo thalai hnathawk a tir chhuak thin Private Agency te chungchangah Home Minister K. Sapdanga an hmu a, Private Agency te Permit Cancel sak vek tawh an nih thu a lo hrilh.

Mizoram pawn a hnathawk a kal ten harsatna leh buaina an tawh thin chungchang te sawi hovin Dan lova Mizoram pawna an hmeichhiatpui, kumtling lo te tirchhuak thin Private Agency te Dan anga an phu tawk hremna an hmuh ngei theihnan Home Minister hi an ngen a. Home Minister hian hemi chungchangah hian hma lak mek a nih thu leh hnathawka ram pawna thalaite tirchhuak thin tu Private Agency te an Permit Cancel sak an nih vek tawh thu a lo hrilh a ni.

MHIP Gen Hqrs chuan Dan lova an hmeichhiatpui te ram pawna hnathawk a tirchhuak thin Private Agency te Dan anga an phu tawk hremna hmu ngei se an duh tih an hrilh a ni.