Bungkawnin semifinal luh theihna kawng zawhin Thawhtanni tlaiah 3-2-in Power Department Sporting Club an hneh a, Tata SK 712 Pro Volleyball League an khelh hnuhnun vawi hnihah an chak zawn.

R Dengthuama Indoor Stadium, Mualpuiah D3 Business Player of the Match lawmman dawngtu, Bungkawn spiker F Lalparmawii’n point 45 hmuin 11 a hloh a, 25-10, 21-25, 25-17, 25-27, 15-9-in an chak.

An khelh hmasak berah nikum final ang bawkin Bethlehem Vengthlang lakah Bungkawn tlawm mah se an insiam tha a. Power lakah inkhel hautak pal tlangin a hmain 3-1-in Durtlang an hneh tawh a, pathumnaah an inhlang kai.

Luangmual laka tlawm tawh, Power tan veteran Vardingliani’n point 20 hmuin tum nga a tisual a; league kal meka set nga hmanga inkhel chin felna hmasa berah team inel zinga player kum chawhruala upa ber, Power an bet hmasa zawk zel a, kir leh thin mah se a chak tur tihfelna hnuhnungah an fei zo lo.

Chutih rualin set hnih an lak theih avangin a vawi khat nan Power-in point an thawk chhuak a; player inkhairual zawk, Bungkawnin point thum hlawh zo lovin point hnih an neih belh a, an chak theih nan F-i kawppui, RK Lalfakmawii’n point 23 hmuin vawi ruk a paih a, PC Lalrinpuii’n vawi sarih tisualin point 13 a thawh.

Final vawi hnih lut tawh, Bungkawnin Nilaini tlaiah fiahna hmachhawnin vung taka hma lam pan mek, Luangmual an khelhpui leh dawn a, 2017 champion Power-in fiahna tling, Kanan an bitum ve thung ang.

Stats:
BUNGKAWN:
F Lalparmawii: point hmuh - 45, point hloh - 11
RK Lalfakmawii: point hmuh - 23, point hloh - 6
PC Lalrinpuii: point hmuh - 13, point hloh - 7
R Zorempuii: point hmuh - 1, point hloh - 2
Lalhmingtani: point hmuh - 4, point hloh - 10

POWER:
Vardingliani: point hmuh - 20, point hloh - 5
Lalfakzuali: point hmuh - 9, point hloh - 1
FP Lalduhkimi: point hmuh - 6, point hloh - 2
Lalrammawii: point hmuh - 8, point hloh - 5
Vanlalremruati: point hmuh - 7, point hloh - 4

FIXTURE:
JUNE 12 (THAWHTANNI):
08:00 pm: TNT v Tuichangral (mipa)

JUNE 13 (THAWHLEHNI):
03:30 pm: Bethlehem Vengthlang v Durtlang (hmeichhia)
08:00 pm: Chhinga Veng Spikers v Durtlang North (mipa)

JUNE 14 (NILAINI):
03:30 pm: Bungkawn v Luangmual (hmeichhia)
08:00 pm: Tuipuiral v TNT (mipa)

TABLE:
1. Kanana: Play 2, Won 2, Loss 0 - Point 6
2. Luangmual: Play 2, Won 2, Loss 0 - Point 6
3. Bungkawn: Play 3, Won 2, Loss 1 - Point 5
4. Bethlehem Vengthlang: Play 3, Won 1, Loss 2 - Point 3
5. Power Department SC: Play 2, Won 0, Loss 2 - Point 1
6. Durtlang: Play 2, Won 0, Loss 2 - Point 0

(Bungkawnin 3-2-in Power an hneh a, Power tlawm mah se set hnih an lak avangin point khat an hmu a, a chak zawk Bungkawnin point 2 an hmu).