Aizawl May 3, 2023 : MNF General Hqrs. Media and Publicity Dept. te chuan nimin khan chanchinthar lakhawmtute an hmachhawn a, April 28, 2023-a Thenzawl-a ZPM Leader-in a biala a hmalakna te an zirchianna leh Inthlan hmaa a thutiamte a tihlawhtling em tih an chhui dan te an tarlang a, Lalduhoma hian a bial mipuite a bum nasa hle niin an sawi. 

MNF General Hqrs. General Secretary VL Krosshnehzova chuan, "November ni 27, 2020 khan Pu Lalduhoma hi Serchhip MLA a nihna atangin ban a ni a, kum 2 dawn a MLA hman. April ni 17, 2021 khan bye election-ah vote thlak niin MLA-ah thlan tlin a ni leh a. Serchhip MLA ni leh tura bye-election campaign lai hian Pu Lalduhoma hian Thenzawl mipui tan hmalakna tura intiamna a nei a. MLA a lo nih leh takah hian a intiamna te hi tihhlawhtlin a nei mumal lo a, tihlawhtling tura hmalakna pawh a nei lo a, a ngawihsan hmiah ringawt mai a ni," a ti.

MNF GS chuan, "April ni 10, 2021 khan MPF Joint Local Forum, Thenzawl buatsaihin bye Election Joint Platform buatsaihah Pu Lalduhoma chuan Thenzawl leh a chhevel tan Private company nen, Government Organisation ka dawr fel tawh a, Agreement kan sign nghal mai dawn a ni. Handloom chungchangah hian MLA ka tlin leh phawt chuan rei lote chhungin, he kalphung thar hi ka siam sak thei che u a ni, tih hi ka puang duh a ni,” a ti a, mahse, tun thlengin hmalakna a la awm lo, MNC chuan 
 
MNF chuan Thenzawl-a Lalduhoma'n College nei tura hma lak a intiam pawh engmah hmuh tur a awm lo a ni a, Vantawng Group YMA ten engemaw chen hma an lo lak tawh, mahse, hmalkan zuzi ta deuh rih bak Bialtu MLA hmalkan hmuh tur a awm lo niin an sawi. 

Vanva Dam enkawl that MLA in a intiamna pawh hmlaka zuina pakhatma a awm lo, an ti a, Ultrasound sawrkarin a tihsak theih loh pawhin MLA fund atanga tihsak nghal a intimna pawh tun thleng la dah a nih loh thu an sawi bawk.

Lau lui project puitham taka chei a tum, sangha te daha kum tina fish festival kum tin sangha kut hmanna tur khawpa chei a pawh tun thlengin hmalakna a nei zui lo, an ti. 

MNF chuan, "Khawpui pakhat, nuai 10 vel awm theihna na na na hi chu min tihsak theitu tur khawvelah hian min donate sak thei tur hi hmuh theih hi ka inzuam em em a ni,” tiha a sawi pawh hi Thenzawl mipui nuai 10 awm theihna khawpuia siam tur hian hma a lakna awm hriat a ni lo, an ti bawk.

V.L. Krosshnehzova chuan, "Thenzawl bik kan zirchiannaah hian kan hmuhchhuah chu, Pu Lalduhoma hian a bial mipuite dawt a hrilh nasa hle tih hi a ni a. Heti tak maia a bial mipui a bum duh hi mak kan ti a, mahni bial mipuite pawh dawta a bum duh danah hian a kutah Zoram hi dah ngam a ni lul lo tih hi Zoram mipui hriatah kan puang duh a ni. Chhuanlam siama phat mawina zawng lovin a bial hi a ngaihsak lova, dawtin nasa takin a bum tih pawm sela, awihawm taka dawt a sawi thin hi sim tawh turin thurawn kan pe a ni," a ti.