ZALEN Nov. 1, 2024; Seventh Day Adventist nuho inkhawmpui kal turte chuanna lirthei chesual a hliam tuar mi pathum te ZMC-ah enkawl mek an ni.

ZALEN thudawn danin, nizan (31.10.24) atang khan Sevent Day Adventist Women Ministry khawmpui chu Champhai-ah tan a ni a, chumi hmang tura kal, West Phaileng Women Ministry te chuanna Pick Up chu nimin tlai dar 6 rik hma deuh khan Puilo khaw bulah a chesual a ni.

Pick up ah hian mi 10 an chuang a, a khalhtu Ngurthana niin, an kohhran upa a ni a, an chetsual chhan hi brake fail vang niin, kawng thlangah an tlanliam a, vanneihthlak takin an lum thui lo.

Lirthei chesual a hliam tuarte chu nizan khan Aizawl panpui an ni a, an zinga mi pathum, Engkimi, Hmangaihsangi leh Rebecca Lalhlimpuii te chu ZMC-ah admit an ni a, midang 5 te chu vawiin lamah an dinhmun enfiah leh an ni ang. Damdawiin a awm leh hliam tuar dangte hi dinhmun ngaihtuahawm an awm lo nia thudawn a ni.