'Queen of Rock and Roll' an tih hial American rock star Tina Turner chu May 24, 2023, Nilaini khan kum 83 mi niin a thi. 

Tina Turner hi khan Kusnacht, Zurich, Switzerland-ah a thi a, uitu a ngah hle. A thih chhan hi tarlan a ni lo a, a kum a upat ve deuh tawh avangin natna hrang hrngin a tlakbuak , hun rei tak chhung enkawl a ni. 

Kum 1950 chho atang khan rimawi khawvelah a zuang lut a, khawvela artist ropui ber zingah a chuang kai. Rock music lamah a thawh hlawk hle a, a hming lemah pawh 'Queen of Rock and Roll' tih hial a ni. 

Tina Turner hi kum 1962 khan Ike Turner nen an innei a, mahse kum 1978 khan an inthen. A hla hrang hrang hi copy maktaduai 150 chuang zet a hralh a, rimawi lama chawimawina ngaihhlut Grammy Award pawh 11 zet a dawng. 

Kum 1991 khan a pasal hlui Ike nen khan Rock and Roll Hall of Fame-ah lakluh an ni a, kum 2021 khan amah bik hi lakluh leh a ni bawk. 

A hla lar zual thenkhat te 
~ Typical Male
~ The Best
~ Private Dancer
~ Better Be Good to Me
~ Proud Mary
~ River Deep, Mountain High
~ What's Love Got to Do with It
~ We Don't Need Another Hero