ZALEN March 21, 2025; Parliament Session kal lai mekah vawiin khan Rajya Sabha MP K Vanlalvena chuan thu sawiin, Champhai district a awm Lianpui khua chu India rama hmun pawimawh ah puang turin central sawrkar a ngen.

Regional Archaeology Survey of India, Guwahati atangin Archaeologist te rawn tirin Lianpui khua a hmanlai kan pi pute lung phun sang tak tak te an rawn endik tawh thu leh India ram hmun pawimawh (National Importance) atana puan tlak nia an hriat thu Vanlalvena chuan house a hrilh a. February ni 9, 2021 khan India sawrkar Ministry of Culture chuan Lianpui khua hi National Importance a puan a nih theih nana tih tur pawimawh hmasa te sawrkar laipui gazetted ah te lo chhuah tawhin a rem lohna hria chuan thla hnih chhunga dodalna thehlut turin thuchhuah a lo siam tawh thu K Vanlalvena chuan a sawi chhuak bawk.

Hunbi tiam chhunga dodalna thu sawrkarin a dawn loh avangin Archaeological Survey of India Guwahati leh Aizawl chuan central sawrkarin National Importance atana Lianpui khua Mizoram a puan hun hi an nghak reng a ni tih House ah hian a sawi chhuak bawk a ni.

Hetiang hi thil awmzia a nih avangin in 156 awmna khua, Mizoram khaw chhak lam Champhai District, Myanmar ramri hrula awm Lianpui khua chu India ram hmun pawimawh atana puang thuai tur in central sawrkar a ngen a ni.