ZALEN March 17, 2025; Sawrkarin a chhinchhiah laiin Mizoramah raltlan 41,355 an awm a. Hetihlai hian raltlante enkawl dan tur sawrkarin a ngaihtuah mek.

Vawiin assembly budget session zawhna leh chhanna hunah member te zawhna leh zawh belhna te chhanga he thu hi sawiin, home miniser K Sapdanga chuan sawrkarin a chhinchhiah laiin, Bangladesh atanga raltlan mi 2,217, Manipur atanga raltlang 2,633 leh Myanmar atanga raltlan mi 33,505, an vaiin mi 41,355 Mizoramah an awm niin a sawi.

Home minister chuan sawrkar laipui atanga raltlante puihna chu secret fund a nih thu sawi bawkin, a hmanna erawh invenna atan chipchiar taka vawn a ni tih a sawi.

Raltlante enkawl dan tur fimkhur takin ngaihtuah mek a nih thu te, chumi tur atan chuan committee pawh din a nih thu leh vawi hnih an thukhawm tawh thu te home minister chuan a sawi a, chumi hnuaiah chuan committee peng, raltlante khawsak dan zirchiangtu tur din a nih thu te a sawi bawk.