ZALEN March, 2025: PC Party chuan Mizoram-a raltlan awm mek te hi awmze neia khuahkhirh leh enkawl an duh a, ration card siamsak an duh lo tih an sawi.

PC Party chuan, "Kan chhevel ram leh state-a buaina hrang hrang avangin kan ramah raltlan tam tak kan kawl mek a. Awmze neia khuahkhirh leh enkawl an nih loh avangin harsatna kan tawk tam tial tial a. Hetianga kan kal zel chuan harsatna kan tawh belh zel dawn mai ni lovin buaina hial kan la tawk ang tih kan hlau a. Chuvangin raltlan te hi Refugee Camp siam sak thuai a tul kan ti a ni," an ti.

"Kan Chief Minister in raltlan te ration card siamsak a sawi phei hi chu thil hlauhawm takah ngaiin kan duh lo tak zet a. Hetiang tur hian hmalakna a awm anih chuan kan theihpatawpin kan dodal ang tih kan puang a ni," an ti bawk.