ZALEN May 30, 2025 : Nimin khan Zo Anthurium Growers Co-Operative Scociety (ZAGCS)-te chuan General Assembly 2025 an nei a, an pawl General Secretary Ida Malsawmzuali chuan Anthurium chu India ram chhung leh pawna thawn tur duhkhawp an neih loh thu a sawi.

ZAGS General Secretary chuan Department in a an puih dan te, Mizoram pawn mai nilo India ram pawna Anthurium thawn chhuah dan te leh tun dinhmuna EXIM bank te nen an thawh ho dan te report a pe a, anthurium chu India rawm pawnah export potential a san zia te sawiin, buyer te duh khawp export tur an neih loh thin thu a sawi.

Treasurer Thanzuali chuan an sum dinhmun tlangpui sawiin, January 2024 - April 2025 chhunga anthurium thawn chhuah (Delhi, Singapore, Bangalore) atanga lak luh zat Rs. 26,08,653 a nih thu leh Mizoram chhunga hralhna atanga lakluh zat - Rs. 7,82,596 a ni a ti.

Anthurium hi Mizoram-ah 2002 khan Horticulture Department hmalaknain chin tan a ni a, society member 24 atanga bul tanin, tun dinhmunah society a in register member 150 an awm a ni.

He hunah hian Ramdinliani, IAS, Special Secretary, Horticulture Department chu Khuallian niin, C.H Lalmuanpuia, Director, Horticulture Department chu Khualzahawm a ni.