Aizawl: Integrated Child Development Aizawl Urban hnuaia Anganwadi Centre II Tuikuala mi chu Zirtawpni khan Information Minister Lalruatkima’n a hawngin pian tirh atanga inenkawlna dawn mumal chu ram hmasawnna a nih thu a sawi.

Anganwadi centre hawngtu Minister Lalruatkima chuan, “Ram hmasawn leh hrisel ni tur chuan kan pian tirh atanga inkaihruaina tha leh in enkawlna mumal taka kan kal chhoh a pawimawh a, chumi tur chuan sawrkar laipui chuan ram chhung mipuite hriselna ngai pawimawhin nu nau pai atanga an sei len chhoh thleng leh an tar thlenga a bik enkawlna tur scheme pawimawh tak a siam a chung zingah chuan Anganwadi Cenre hi a tel a ni,” a ti.

Minister chuan “Anganwadi Centre, Mizoin nau awmna sikul tia kan sawiin a tum ber naupangin ei tur tha dawng se, nuin nau a pai lai atangin ei tur tha dawng se tih leh zirtirna leh inkawhmuhna tur hmun a ni a, anganwadi coordination commitee chu khawtlang ta a nih ang ngeiin a chhiat a thatah khawtlang nu leh paten mawh kan phur sang hle a ni,” a ti.

"Hmanlaia naupang zan tah vei hriattur awm thin kha tunah chuan a awm tawh lo a, hei hi Anganwadi awm that tak vang nia a hriat thu sawiin kan fate kan rangkachak an ni a, eitur tha leh zirtirna tha an mamawh a, kan fate anlo hrisel chuan human resource development lamah pawh hma kan sawn leh zual anga, Health care ah te a lo thlawn a sum luang ral thin pawh a ziaawm ngei ang," tih a sawi bawk.

Tunah hian ICDS Aizawl Urban hnuaiah hian Anganwadi Centre 190 awmin mekin heng ah te hian worker an awm kim vek a, tunah hian Aganwadi Centre hnuaiah hian Nu an rai lai atanga thla ruk thleng eitur tha Nutrition dawngin naupiang atanga kum 6 an nih thlengin eitur tha Supplyment Nutrition an pe thin bawk.