ZALEN July 31, 2023 : Vawiin chhun dar 12:15 khan C. Lalremruata, kum 36 S/o C. Lalsangzuala, Tualcheng, Champhai district chu accident avangin a thi a, mi ram vakin hmusualin an kap palh a, a hmunah a boral nghal a ni. Tualcheng YMA chuan he thil thleng hi puang zar lo turin an khaw mipuite an hriattir. Remruata hian a nupui leh a fate 3 Kum 10 hnuai lam te a kalsan a ni.

Vawiin 31.7.2023 chawhma lam khan Lalremruata hi chawhmeh zawngin a ram kal a. Silai nena Ramvak/sapelin a kaphlum palh a ni. Lalremruata hi Romana ramvak/sapel chuan Sathar emaw tiin a kap palh a, a awm bawr velah kap fuh in a hmunah a boral nghal niin an sawi. Romana kalpuite pawhin an hmusual ve tho niin an sawi a ni.

A kaptu leh a kah a hi Tualcheng khua ve ve an ni a, A kap palhtu Romana hi Remruata te nen hian chhungkhat inhnaivai tak an ni a, Remruata Pu tur a ni.

C. Lalremruata te hi a hu hovin an ram vak niin hriat a ni a, an zinga pakhat chuan hmu sualin a kap ta niin hriat a ni. C. Lalremruata hi naktuk, August 1, 2023 chawhma dar 11:00 ah vui a ni ang.

Tualcheng YMA chuan chhiat an tawh chungchangah hian thuchhuah siamin, "Kan khawtlang in chhiat kan tawh chungchang ah hian eng ang thu thar (Information) pawh ni se, YMA in a tih darh bak social media a puang zar lo tur in mipuite kan in hriattir a, Youtuber tupawh hetiang lam hrilh bengvar lo turin kan inngen bawk a ni," an ti.