ZALEN September 8, 2023 : Vawiin Mizo Hnam Runah chhung inkhawma thusawitu MNF Treasurer K. Vanlalauva, Ex-Minister chuan ram vei Kohhran hruaitu kan neih avangin, tawngtai chhanna a kal zel a ti.

K. Vanlalauva chuan: "Ram vei Kohhran hruaitu kan neih avangin kum 2018 MLA inthlan dawnah khan kan tawngtai a. Tuna sawrkar mek hi kan tawngtai chhanna a ni. Tun dinhmunah kan Chief Minister hi dawt tinrengin bei thin mah se, kan tawngtai chhanna kal zel a la ni," a ti.

Auva chuan Kohhranhoten subject siamin thusawitu an tirchhuak nasa tih sawiin, "Speaker-ten neutral taka political education an sawi theihna turin kohhranten theihtawp an chhuah a, thahnemngai takin ram khalh ngil hna an thawk," a ti.

"Nakumah MP (LS) kan inthlang dawn a, state hrang hrangah rally nen campaign an bei nasa hle mai. An inbeihna pawh a na hle. Politics-a inbeihna tenawm tak tak karah Mizoramah chuan kohhranten inthlanna thianghlim a awm theihna turin hma an la." a ti bawk.

Auva chuan, "Ram hruaitu lu ber atan mipuiin tunge an duh?. Party awmna sawn laklawh chu an insawn reng mai a, leader anni tak tak thei lo. Kan thalaite hian leader nghet leh rinawm an zawng. Laldenga (L) khan a bial Bawngkawn-Chanmari jeep road a tihzauh dawn khan, kawng kamah mi an cheng vek tawh si a, ti lo turin thu kan rawn vek. Mahse, ram neitute kha a laih hna a pe a, kawng kama in nei tha hmasa an lo ni ta. Leader tha, mahni thuthlunga ding nghet chuan huaisen tak hma an la thin. Ram hruaitu atan mi nghet i zawng zel ang u," Auva chuan a ti bawk.