ZALEN November 16, 2023 : Nizan dar 11:00 vel khan R. Vanlalkhuma kum 35 Electric Veng, Hnahthial Tuichang-a lui kal chu ram vak Remruatliana kum 31 s/o David Chawiliana, Electric veng vek chuan sa emaw tiin a kap a, a kah hnu reilote-ah Vanlalkhuma hi a boral. Vanlalkhuma hian a nupui leh a fate pahnih hmeichhia ve ve a kalsan a ni. Pu Vanlalkhuma hi vawiin khan posmortem a nih hnuah vui liam nghal a ni.

Vanlalkhuma leh Remruatliana te hi ram kal tlang ni lovin, Vanlalkhuma leh a thianpa hi lui kal an ni a, Remruatliana te hi sa chang niin sa emaw tiin a kap ta mai niin thu dawn a ni.

Hnahthial Police te chuan hemi chungchangah hian buaipui tul tul an buaipui nghal a, Remruatliana lakah hian case resgister niin Hnahthial Police Station Case No. 65 of 16.11.2023 under section 302/188 IPC R/W 25 (1B) (a)/27 (1) Arms Act ziahluh a ni a, he chanchin buatsaih lai hian Lunglei lama thawn tura buaipui mek a ni.