Aizawl May 31. 2023: Vawiin khan Conservator of Forest, Northern Circle, Kolasib pisa tualzawl ah kum 2022-23 chhung a Wildlife Protection Act 1972 hnuai a ramsa leh sava humhalh, sa kah leh a sa zawrh man khawmte hal ralna hun hman a ni. 

Kolasib DC John LT Sanga chuan thil man te hal ralna hun hmangin Margaret Lalramchhani, DFO, Kolasib leh EF&CC-a thawktuten he hun hi an telpui a ni.

John LT Sanga, Deputy Commissioner chuan khua leh tui tha ni tur chuan dan ngaih pawimawh leh zawm a tul thu sawiin khawvel sik leh sa inthlak danglamna thleng mek kar ah kan ram leilung hausakna humhalh kawnga thanharh a tul takzet thu a sawi a. Chenna ram timawi zualtu ngaw leh a chhunga cheng ramsa leh sava te hlut thiam a, boruak thianghlim leh mamawh hrang hrang min petu an nih angin heng leilung hausakna humhalhna hi mi tin mawhphurhna a nih thu a sawi.

Conservator of Forest, Northern Circle tualzawl a sa hal ral hi sarep tlang 480, Sava 55 leh Sakhi 1 a ni a. Dan angin a mawhphurtute chungah hremna pek an nih thu tarlan a ni bawk.