Aizawl: AH&Vety department chuan sawrkar laipui thupek angin September thla tir atang khan ran ke pali nei chi bawng, sial, lawi etc. ah te foot and mouth disease (FMD) vaccine an pe tan.

AH&Vety department thawktu te hnen atanga Zalen thudawn danin ran awmna hmunah kal chilhin 100% vaccine hi pek an tum a, Mizoram rual hian state 23 ah fmd vaccine hi pek a ni dawn a, a thawh hnihna atan nakum March/April velah pek leh a ni ang. AH&Vety department hotu te chuan ran neitu zingah vaccine pek remti lo an awm thin tih sawiin ran neitu te chu mipuite thatna tur zawk a ni tih hriaa an hmalakna hi thlawp turin an ngen a, vaccine pek tir duh lo te chu hrem theih an ni tih an sawi bawk.

Kum 2012 ran chhiarpui atanga a lan danin Mizoramah bawng 38268, lawi 5028 leh sial 3283 a awm a, chhiarpui hi kumin hian neih leh a niiin zawh a ni tawh a ni.

Food and Mouth Disease hi India ram pumah kum 2025-ah chuan khuahkhirh (control) vek a, kum 2030-ah phei chuan Animal Disease Control Programme chuan India ram atanga awm tawh miah lo turin vaccination hmanga umbo (eradicate) a tum a ni.

Foot and Mouth Disease atana hridanna pe tur hian ran ke na hri vei thei zawng zawng - bawng, sial, lawi, vawk, kel leh beram te zaa za (100%) FMD Vaccine pek vek tur a ni.