Naktuk mai hian Ranbir Kapoor leh Alia Bhatt te chuan 'tiam tlat e' an tive dawn ta a, venhimna lam an tikhauh dawn hle. 

An inneihnaah hian an chhung khat laina hnaite ve ve bakah an thiante bak sawm an ni lo a, rik luih luih an tum lem lo a nih hmel hle. Vawiin chawhnu lam atangin 'mehendi ceremony' an tan dawn a, naktukah an inkutsuih ang. 

An inneihna hmun tur hi RK Bandra Home, Mumbai niin, venhimna khauh taka kalpui a ni dawn. Hemi atan hian ruahmanna peihfel thawkhat a ni tawh a, sawmna dawng ve lo tan chuan tel ve ngawt tum chi a ni lo ang! 

Inneih ceremony zawh hnu hian April 16 leh 17 hian a hran ve vein Taj Mahal Hotel, Colaba-ah party an buatsaih leh dawn bawk.