Aizawl : Nimin August ni 22, 2020 (Inrinni) khan Lengpui Airport-ah COVID-19 hri vei hmuh chhuahna atana pawimawh tak leh hman rim tak, Rapid Antigen Test Kit singkhat chu Mizoram sawrkar chuan a chah thleng.

Health Department hmalakna a lei heng Rapid Antigen Test Kit te hi hi 10,000 rawn phurh thlen a ni a, Test Kit lo thleng hi Dr. Elsa Lalramzauvi, Medical Officer Lengpui & staff ten lo dawngsawngin a tul anga hman zui nghal turin pek chhuah a ni ang.

RAT kit lo thleng bakah hian a tula hman tur RAT 20,000 pawh lei fel ni tawhin Delhi Mizoram House-ah thlenpui a ni tawh a, kar leh lamah Lengpui Airport-ah rawn tum pui theih tura ruahmanna siam mek a ni.

Health Department chuan COVID-19 hri vei endik kawngah chat lak awm lova endik hna kalpui a nih zel theih nan hma an la mek tih an sawi a. Test kit an neih nana hma latu Chief Minister Zoramthanga, Health Minister Dr.R.Lalthangliana, Health Secretary H.Lalengmawia IAS, Wing. Cdr. J.Lalhmingliana te chungah lawmthu an sawi a ni.