Aizawl August 2, 2022 : Social media lamah tunlai hian FCS&CA chuan Ration Card an endik mek niin thu a thang a, hei hi dawt thuthang a nih thu department lam chuan thuchhuah an siam. 

Social media lamah hian 'Ration Ennawn mek a ni' nia thu vawrhdarhin ration card ennawn mek hna hi ngawrh takin selection board-in a kalpui mek niin tarlan a ni a, hei hi thu belhchian dawl lo a ni a, FCS&CA Department chuan an ti a, Ration card ennawn  kalpui a ni loh thu an tarlang.

Ration card revision hi FCS&CA Department chuan kum 2020-2021 khan neiin tunah hian zawhfel tawh a ni a, chuvangin tunlaia Social Media-a he ration card ennawn chungchang darh mekah hian mipuite buai lo tur leh thutaka ngai lo turin hriattirna hi an chhuah a ni.