ZALEN May 21, 2025 : Food, Civil Supplies & Consumer Affairs Department chuan vawiina thuchhuah an siamah Ration Card siamna ber atan hman thin RCMS software chu central lamin an tih tawp tak avangin ration Card siam theih a nih rih loh thu an tarlang.

FCS&CA chuan, "Central sawrkarin project than SMART-PDS a taka kalpui a tum avangin mipui ten ration kan lak dawn apianga hman ngei ngei ngai software pathum(3), heng: RCMS, FEAST leh AePDS software-te hi a hranga awm tawh lova hmunkhata chhunfin a tum avangin heng software-te hi tihtawp lailawk rih a ni a, Ration Card siamna ber, RCMS phei chu Central sawrkar hian a ti thi (deactivated) tawh a, a thar tur a la hman theih bawk si loh avangin hun engemaw atang khan Ration card hi a Siam theih tawh lova, hei hian eng chen nge a awh dawn hriat theih loh mah se, a rei tawh loh beisei a ni," an ti.

Hetiang hi thil awmdan a nih avangin mipuiten Io hrethiam a, software thar peih hun Io nghak hram turin FCS&CA department chuan a ngen a ni.