ZALEN, June 18, 2025: Rawtuai khawrh tura chhuak, Kulikawn West-a cheng nu chu Tlangnuam West huam chhunga khamah thiin hmuh a ni.

Tlangnuam West atanga ZALÊN thudawn danin kum 45 mi, Lalrindiki hi Thawhtanni chawhnu khan a chhuak a, a kal dawn hian a fapa hnenah a laklawh deuh chuan thlamah a riah nghal mai theih thua hrilh nghe.

Hemi zan hian a haw lo va, an ngaih pawh a tha lo lem lo va; mahse, a tuk, Thawhlehniah pawh a la haw loh cheu avangin zanah a faten an zawng ta a, zan dar 08:00 velah kawng thlang fit 150 velah thiin an hmu ta a ni. 

Lalrindiki ruang hi a tul angte police-in an buaipui hnuah lak chhuah a ni a, a pain an chenna, Tlangnuam West-ah a la a. Nilaini chhun khan vui a ni.