Newcastle United hian an player man to ber tur Alexander Isak a manah hian pound maktaduai 59 an seng dawn a, Swedish striker manah hian pound maktaduai 63 thleng an seng thei bawk. 

Newcastle manager Eddie Howe hian tun nipui transfer chhung hian player pathum Nick Pope, Sven Botman leh Matt Targett te a la lut tawh a, a player lakluh palina tur kum 22 mi Isak hi a to ber tur a ni. 

2019 khan pound maktaduai 40 man Joelinton la lutin aan player man to ber a ni a, Isak hian a rawn khum dawn ta a, tunah hian Newcastle sporting director Dan Ashworth leh head of recruitment Steve Nickson te Spain lamah Isak transfer buaipui hian an cham mek a ni. 

La Liga club lama tum 132 khel a goal 44 a khung tawh Isak hian Borussia Dortmund atangin Sociedad hi 2019 khan a pan a, ram tan tum 37 inlan tawhin goal kua a khung tawh a ni.