Chinese smartphone siam chhuaktu company lian Xiaomi chuan Redmi Note 12R Pro an tlangzarh leh ta rup mai. Redmi Note 12R Pro hi nimin khan China-ah tlangzarh a ni a, khawvel hmun dangah pawh tlangzarh thuai a ni dawn. 

Xiomi hian Note 12 series - Note 12 Pro 4G, Redmi Note 12 Pro Speed Edition leh Redmi Note 12 Pro 5G te pawh an lo tichhuak tawh a, Note 12R Pro pawh an rawn chhawpchhuak leh rang hle. Note 12R Pro hi 5G a ni a, Qualcomm Snapdragon 4 Gen 1 chipset a hmang. 

RAM hi 12GB niin, internal storage pawh 256GB lawih a ni tawh. A camera hi 48 mega pixel niin, OLED display niin SGS low blue light certification a ni thlap bawk. A battery hi 5,000mAh a ni. Redmi Note 12R Pro hi China-ah chuan Rs. 18,000 man vel a ni a, India-ah chuan hei ai hian a to deuh tura ngaih a ni.