Aizawl: Ni hnih awh Anthurium Festival 2019 chu nimin khan zawhfel a ni.
Festival kharna inkhawm a khuallian Tourism Minister Robert Romawia Royte chuan, "Anthurium Festival hi Tourist hipna pawimawh tak anih rualin Mizo mipui zawng zawng tana buatsaih a ni a. Mizo mipuite hi India rama mi hlim ber ni turin Tourism Deptt hian tan kan la zel dawn a ni,” a ti. Minister chuan Anthurium Festival hlawhtlinna chu mipui lo kalkhawm te an ni tiin, ‘Clean Sober and plastic free Festival’ a nihna angin fai leh harhfim takin festival hmang turin lo kalkhawm mipuite a chah bawk a ni.

Tourism Minister chuan, “Reiek leh Ailawng khuate hi khualzin hipna tura hmunhma nei tha an nih avangin tuna mi bakah hian project lian tham siam tum a ni a. Reiek ah hian Adventure tourist spot buatsaih mek niin Adventure Sport competition te pawh la buatsaih kan tum mek a ni,” a ti bawk.

Anthurium Festival-ah hian Mizo hnam lam chi hrang hrang entir a nih bakah zaithiamten hun an hmang a. Adventure park buatsaih niin a tlawhtu mipuite intihhlimna tur chi hrang hrang buatsaih a nih bakah food court te siam a ni.