February 8, 2024; Ramchhung leh pawn khualzinte tlawh hlawh ber zing a mi, Reiek tlang a hnawmhnawk then/paih hna chu ngawrh taka thawh thin a ni.

Reiek tlang hi tlawhtu an awm deuh reng a, lirthei a thlen chhoh theih a nih laiin, a kawng a tha lo a, hemi vang hian mi tam zawk chuan ke in tlang chhip an pan thin.

Reiek tlang tlawhte leh zan lam a riak thin te hian thil eina hnawm hnawk an hnut chhiah nasa thin a, tlang chhehvel hmun hrang hrangah bawlhlawh paihna tur siam ni ve bawk mah se, mi tam zawk chuan a remna hmun a piangah hnawmhnawk hi an hnutchhiah mai thin niin a lang.

Tlang chhip leh a chhehvel a hnawmhnawkte hi thenfai hna thawh reng a ni a, englaipawhin hnawmhnawk then tur thahnem tham tak a awm deuh reng thin niin ZALEN chuan thu a dawng.