ZALEN May 27, 2023 : Mizo skincare brand, Lawm from the hills chu May 26, 2025 khan Vogue Beauty & Wellness Awards Mumbai a neih a, sawm an nih angin an tel ve a. Hemi event hi Vogue India leh Tira Beauty (Reliance hnuai) sponsor a ni a, Vogue Beauty & Wellness Awards hi India ram a Beauty leh Wellness lama sawm bik te ho tan a tih a ni.

He event-ah hian Lawm from the hills neitu Puipuii Hmar pawh a tel a, hemi tum hian Tira Beauty CEO nen pawh an inhmu a, Tira Beauty-ah an brand an dah thei nghal dawn a ni. He hunah hian Bollywood milar Shilpa Shettt, Aditi Rao Hyderi, Jackie Shroff, Samantha Ruth Prabhu, Bhumi Pednekar te pawh an tel a ni.

Lawm from the hills hian a tum ber chu mi nawlpuiin skincare kan hman hnem ber leh ni tin vun mamawh product te hi man man zawk, quality tha si a chhawpchhuah a ni. Mizoram hmun hrang hrang atanga thar chhuah Walnut (Khawkherh) oil, Perilla (Chhawhchhi) oil, Sacha Inchi oil bakah Mau atanga tui (Bamboo Hydrosol) hmangin an product te hi siam a ni.

Tunah hian product pariat - Facewash, Sunscreen, Face oil (Walnut oil), Body oil( Glow Drops) leh Lip gloss te an nei a, Rs 350 atanga Rs.800 in kar te an ni hlawm. Hengte hi wholesale-a an pek chhuah bakah, direct-in Instagram, an website leh Myntra ah te an hralh chhuak bawk a ni. Heng bakah hian Zepto(Quick commerce), Tira Beauty leh Nykaa Online Beauty Store ah te zawrh chhuah tura hmalak mek a ni bawk.