Aizawl June 30, 2022 : R. Lalzirliana chuan, Remna siamtute chu an eng a thawl e, an tih ang deuh hian, remna siamtu zinga tel ho zawng zawng hian kan tih tur ang kan ti vek a, chumi avanga remna hi thleng a ni. Remna leh muanna hi keimah vang a ni, ti thei vek kan ni, tu ma ta a ni bik lo, ka zavai a ta a ni, a ti. 

Vawiina Mamit-a Remna Ni a hmanpui naah Art & Culture Minister R. Lalzirliana chuan, "MNF party lam atang chuan, Kan thawhsak mipui ten an tlin tawh loh avangin, kan silai te la ui chungchungin ; tlawmah pawh la lovin kan rawn chhuak a ni, tiin sawi se, remna hi keimahni vanga thleng a ni,' ti se a dik thlap mai a. 'Kan zara rawn kir leh thei an ni, rawtuai haka thi mai mai tur. Kan hotupa Lal ni thin Thanhawla'n a ken avanga hetianga remna leh muanna hi thleng thei a ni,' tiin Congress party lam pawhin sawi se a dik tho a. Zirlai pawl lam pawhin kawngzawh te leh thil dang danga hma an lak vanga thleng tih pawhin sawi se a dik vek tho. Kohhran lam pawhin kan palai na rah leh theihtawp kan chhuah vang a ni, pawh ti se a dik a, an hnathawh par kan tlan a tih loh theih loh ang. Mipui aiawh pawl te pawhin remna leh muanna thlen theihna atana hian kan theihtawp kan chhuah vanga ni tih pawh ti se, a dik vek tho a ni," a ti.

Art & Culture Minister R. Lalzirliana chuan, "Vawiin a ka sawi duh ber chu, Remna siamtute chu an eng a thawl e, an tih ang deuh hian, remna siamtu zinga tel ho zawng zawng hian kan tih tur ang kan ti vek a, chumi avanga remna hi thleng a ni, tih hi ka sawi duh lai ber chu a ni, " a ti. 

Lazirliana chuan, "Remna hlut zia hre turin thalaite hian kan history hi an zir nawn leh a ngai a, ngaipawimawh se la, Remna hre turin kan rem lohna, kan buai lai kha kha kan hriat a ngai a, MNF in Independence an puang a, vai sipai an rawn chhuak a, khaw khawm te an tia, sipai lamin mi tam tak an han khalh khawm a, pitar, putar ten zawn ngai khawpinsipai kut nasa takin kan tuar a, khaw en lai bakin a chhuah theih loh a, vai buh uih te kan ei a, mipui nunau te tawrh hlauh vangin Hnam sipai te pawh an che duh lo zawk kha a ni a, Biak In dar pawh hmun tam takah kum tel a ri kan hre lo kha a ni a, khatiang khawpa hrehawm kha a ni a, hripui vanga thla hnih thum Biak In dar kan hre thei lo a, hrehawm kan ti em em a, khang hunlai kha a letin a hrehawm zawk a ni. Chuvangin remna hlut zia hi hria in inrem lo te hi i inrem ang u," a ti. Zira chuan Remna leh muanna tu ma ta a ni bik lo, ka zavai a ta a ni. Vawiina ka thusawi zawng zawng hi mi pawisawi tuma sawi ka ni lo a, thil nih dan a nihna tak nia ka hriat ka sawi a, dawt hi ka sawi ngai lo a, dik nia ka hriat chu ka sawi mai thin, a ti bawk.