Aizawl: MZP chuan HSSLC result tisualtu chu zawng chhuak a, hremna pe ngei tura phutin thuneitute hma-lakna enzui reng an tum tih an sawi.

Nimin khan MZP General Headquarters Extended OB chuan emergency meeting neiin HSSLC result chhuak a thil dik lo awm chungchang an sawiho a. Meeting-ah hian kum 2019 - 2020 Higher Secondary School Leaving Certificate(HSSLC) result tih chhuah takah Lalhlimpuii D/o Vanlallura, St.Joseph Higher Secondary School (Arts stream) a mi chu Subject dang zawng zawngah mark 90 a hmuh kai vek laiin, answer paper endiktuten nasa taka tisualin Geography subject bikah mark 59 chiah mark pek a nih avangin Top ten-ah a lan loh phah niin an sawi a. Complaint anih hnuah mark sang tak hmuin Mizoram puma pakhatna hauhtu Christina Lalchhandami, Greenland Higher Secondary School, Aizawla mi nen mark hmuh zat inangin Topper nihna hial an hauh thei nia sawiin hi MZP chuan ropui a tiin a chuang tak zet tih an sawi a.

MZP chuan HSSLC result-ah tihsual a awm chui pawi a ti tak zet a tih sawiin hun lo kal leh turah zirlaite rilru tihreawm tur leh hrilhhai thei zawnga exam result tichhuak tawh lo tura fimkhur lehzual turin thuneitute leh MBSE hotute an ngen a. Naktuk chhun dar 12:00-ah HSSLC Topper (Arts Stream) pahnih Lalhlimpuii leh Christina Lalchhandami te chu MZP Pisa Puiah lawmpuina leh chawimawina hun neihpui an tum bawk.