Rihna tihniam thei thlai

Admin - Jul 10, 2021

Dawnfawh, fanghma, theihai, um ei leh capsicum

Nipui laia ei chi rihna tihniam thei tlai leh thei chi hrang hrang a awm a, chung zinga a tha zual te chu - dawnfawh, fanghma, theihai, um ei leh capsicum te hi a ni.   

Mithiamte chuang heng tlai te hian rihna a tihniam thei tih an sawi a, nipui lai chuang heng thei leh thlai tluka rihna tihniam thei hi a awm chuang lo niin an tarlang. 

Dawnfawh hian tui 92% zet a pai a, hei hi rihna tihniamtu atan a that bakah a hrisel hle. Dawnfawh hian sugar a tihhniam theih bakah, Vitamin C leh A bakah, magnesium leh potassium a pai tam a, hei vang hian nipui laia thei ei tur zingah chuan a hrisel ber zinga mi a ni. 

Dawnfawh ang bawka tui pai tam fanghma hi a hrisel viau bawk a, rihna tihhniam nan pawh a tha hle. A tui pai tam lam hi 96% zet a tling a, lum mlutuk lakah taksa a vawng dai thei a nipui lai chuan ei nahawm tak a ni. Fanghma hian vitamin K, potassium leh magnesium te a pai tam bawk. 

Theihai hi chu Mizote thei duh ber zinga mi a ni a, kan ei tam viau bawk. Theihai hian taksaa thau awm a titlem thei a, hei hian rihna a tihhniam a, rihna hloh duh tan chuan ei chi tak a ni. 

Um ei kan tih mai hi a lo hrisel viau bawk a ni awm e. Tui 92% a pai a, thau a keng tel lo cheu bawk - hei hi a that em emna pakhat chu a ni. Capsicum hi thlai hrisel tak a ni a, phytochemical a pai tam hle. 

Heng kan tarlan takte hi kan ban phak maia awm an ni hlawm a, rihna hloh duh leh hriselna ngaipawimawh tan chuan ei ngei chi a ni. 

Share now