Aizawl: Nimin zing khan I&PR Minister Lalruatkima hovin Aizawl West Joint YMA hruaitute chuan Joint YMA field Vaivakawn chhehvel tuiluankawra bawlhhlawh thenfai dan tur an enfiah.    

Hemi hnu hian Aizawl West Joint YMA Multipurpose Sport Complex Building-ah inkawmhona neih a ni a. He hunah hian thu sawiin Minister Lalruatkima chuan, "Bawlhhlawh paih chungchangah mimal tin te leh khawtlang kan tanrual a ngai hle a. State sawrkar leh AMC-in bawlhhlawh paih dan tura a ruahman ang taka kan bawlhhlawhte kan paih thin a pawimawh hle a ni," a ti. Minister chuan, "Mizote hian fai kan tlin a, fai tur hian hausak emaw, lehkha thiam san emaw a ngai lova, a nihna ang tura bawlhhlawh paih mai kha a tawk a ni," a ti bawk.

Inkhawmna hun hi Vanlalzuiliana Aizawl West Joint YMA President-in a kaihruai a, I&PR Minister Lalruat-kima chuan Aizawl West Joint YMA Multipurpose Sport Complex Building-a hman tur Table Tennis board pahnih Joint YMA kutah a hlan a ni. Inkawmhona hunah hian Aizawl West Joint YMA hruaitute bakah an huam chhunga VC leh tlawmngai pawl hruaitutebakah bialtu councillor Lalfakzuala Chenkual a tel bawk.