Aizawl: I&PR Minister Lalruatkima chuan nimin khan Chennai leh Puducherry a Press Study Tour nei tur MJA member 9 leh I&PR Official 3 te chu I&PR Directorate kawt atangin a vailiam.
Zin tur thlahna puala inkhawm tawi, I&PR Director room a neih ah thu sawiin Minister chuan, "Chanchinbumi te chu mipuite kawng dik kawh hmuhtu tur an nih avangin intuaithar reng ngai an ni a, chuvangin state danga hmasawnna te zira, mipui hnena hrilh chhawng leh tura an inbuatsaih theihnan sawrkar chuan an tan ruahmanna a siam thin a ni," a ti a. Press mi zin tur te chu thil pawimawh tam tak an zir chhuah a beisei thu sawiin nuam tawl a kal tur an ni lova, thil thar leh pawi mawh Mizoram-in a tih ve theih thil chi hrang hrang te rawn zir a, mipui leh sawrkar-in a tangkaipui theih tur rawn paw haw turin a chah a ni.
Press Study Tour hi November ni 9, 2019 atanga November ni 15, 2019 thleng neih tur a ni.

Tour-a kalte:
K. Vanlalsangi Deputy Director, Andrew H.Lalremruata IPRO, A.Zotinkhuama The Zoram Voice, Malsawmdawngzela Vanglaini, K.Lalrosanga Zonet, C.Lalhruaitluanga Highlander, RP Poudel Mizoram Udhaya, F.Lalngaihzuala JB Cable, C.Ramengmawia Lamkal, M.Baithai Chhim Aw, S.Lalhmachhuana Turnipui, Ramnghakliani UDC