Aizawl :  Aizawl East-II Bialtu MLA Robert Romawia Royte chuan tun thla May 2021 atang hian a bial Aizawl East-II huam chhunga, Ration Card Eng (AAY) leh Ration Card Hring (PHH) hmangtu mi 11087 te chu  thla 8 chhung a khulh sak dawn a. 

Nimin Zirtawpni khan May thla quota chu a khulsak tan a, thlatina a buhfai khulhsak tur hi a bial chhunga veng pasarih - Chite Veng, Armed Veng South, Armed Veng, Chhinga Veng, Tuithiang Veng, Saron Veng leh Dawrpui Veng a mi te niin, thlatina a buhfai khulsak tur hi kg 61,140 zet a ni.

Robert Romawia hian Minister anih tirh atangin mi harsate pualin a hlawh zawng zawng a dah hrang zel, nin a sawi a, tuna Covid hripuiin a bial Aizawl East-II nasa taka a luhchilh avanga mi harsate chhawk zangkhai nan a hlawh hi a hmang dawn tih a sawi a. Aizawl East-II mipuite aiawh tura thlantlin anih angin hleih nei lova mitin huapzova hmalakna neih chu  a tihdan leh a tum dan anih thu leh political party hrang hranga awm ten inang tlanga malsawmna an dawn chu an chhungkua duhdan pawh anih thu a sawi lang bawk.

DCSO(East) record atanga chhutin Aizawl E-II MLA biala AAY Ration Cards leh PHH Ration Cards neitute May 2021 atanga December 2021 thlenga buhfai Bialtu MLA in a khulhsak tur chu Kg 4,89,120 a ni dawn a ni.