Bollywood film lar Rockstar chu chhunzawm a ni leh dawn a, mahse Ranbir Kapoor a inlan tawh dawn lo nia sawi a awm mek. Ranbir Kapoor chuan a hmun ruak luahtu tur hian John Abraham hming a lam ri a, thu chiang erawh a la awm lo thung.  

He musical romantic drama film-ah hian Ranbir Kapoor leh Nargis Fakhri te an changdun a, an inhmeh hle. Mi tam tak chuan Ranbir Kapoor leh Nargis Fakhri te hi changdun leh ngei se an duh ngei ang, mahse a thleng dawn ta lo niin a lang. 

Ranbir Kapoor aiah John Abraham a inlan a nih pawhin Bollywood fan te chu an lawm viau tho ang. He film director hi Imtiaz Ali a ni a, kum 2011 khan tihchhuah a ni. 

Ranbir Kapoor chuan,"Rockstar-a ka role play tur hian John Abraham hi a inhmeh berin ka ring," tiin a sawi. Director Imtiaz Ali pawhin John Abraham hming hi a lam ri a, thu chiang hriat tur a awm thuai rin a ni.