January 12, 2023; Reserve Bank of India (RBI) tarlan angin, cheng 10 thir chu mipuia hmankual tura siam a ni a, mipui leh dawr a dawng duh lo te chu kum 3 thleng lungin tang tura hrem theih an ni.

Mizoram Rural Bank (MRB) chuan mipuite hnena hriattirna tichhuakin, cheng 10 thir mipui leh dawra dawng duhlo te chu IPC SECTION 124 A (SEDITION) hmangin FIR thehluh theih a ni a, kum thum thleng lungin tan thlengin an chungah action lak theih a ni.

Tunlaiin ni 100 inhlawhna ah bank atangin cheng 10 thir pek chhuah a ni tih tarlang bawkin, sumdawng leh mipuite dawng theuh turin an ngen bawk a, bank ah Rs. 1,000 chin a dahluh theih reng tih an tarlang bawk.

Mizoram Merchant Association (MIMA) pawhin, nikum lam khan ngenna lo tichhuak tawhin, India ramah cheng 10 thir hman theih a nih angin, Mizoramah pawh hmang tur leh harsatna siam lo turin dawrkarite leh mipui an lo chah tawh a. "Mi tinin Rs. 10 thir hi hmang tawnin, dawng tlang vek ila, tu mahin harsatna insiam lo turin kan ngenin kan inhriattir a ni," an ti.