ZALEN June 10, 2025; Vawiin khan Aizawl Smart City Limited, Urban Development & Poverty Alleviation Department hmalaknain Civil Hospital, Aizawl -ah MRI khawl, mipuite tana tlangzarhna leh bungraw dangte hlanna hun hman a ni.

He hunah hian K. Sapdanga, UD&PA Minister chu khuallian a ni a, khawl inhlanna hun hi Civil Hospital,Aizawl Conference Hall-ah neih a ni. Lalrinpuii, Hon’ble Minister, H&FW Department pawhin he hun hi hmanpuiin Lalmalsawma Pachuau, Secretary, UD&PA Department chuan inkhawm hi a kaihruai a, khawlte hi Aizawl Smart City Limited, UD&PA hmalaknaa lei niin K. Sapdanga, UD&PA Minister hian Cilvil Hospital, Aizawl hnenah a hlan a ni.

CC Lalchhuangkima, Chief Executive Officer, Aizawl Smart City Limited in report a pe a. MRI khawl hi German Company, Siemens Healthineers kutchhuak niin, Rs. Nuai 872 man a ni a; Siemens Company nen hian a chhiat pawha enkawl zui zelna turin thawhdunna thuthlung kum sawm (10) chhung atan an ziak bawk. Smart City hmalakna hian MRI khawl bakah hian khawl dang chi hrang hrang sawmhnih pali (24), Civil Hospital, Aizawl tan hian lei a ni bawk.

#ZalenNews

Like

Comment

Share