Aizawl: Kum tina hman thin angin ni 5-12 October, 2019 chhung hian RTI Week ram pum rualin hman leh tura ruahman a ni a, Mizoramah chuan October 7, 2019 (Thawhtanni) 1:00 hian Chief Minister hovin Synod Conference Centre-ah hman tura programme duan a ni.

Chawhnu lama second session-ah DAA, SPIO leh SAPIO te pualin Interactive Session neih tura ruahman a ni a, Mizoram Information Commission hotute leh mithiam te nen RTI chungchang zirhona leh sawihona neih a ni ang. RTI Week chhung hian Mizoram Information Commission hotuten District tharah hun an hmanpui dawn a, Lalduhthlana Ralte, (IFS Rtd) Chief Information Commissioner chuan ni 10/10/2019 ah Hnahthial ah a hmanpui ang a, Zorammawia (IPS Rtd), Information Commissioner chuan ni 14/10/2019-ah Saitualah a hmanpui ang a, Dr C.Lalzirliana, Information Commissioner chuan ni 10/10/2019-ah Khawzawlah a hmanpui bawk dawn a ni.