July 20, 2023, Vawiin tlai dar 3:30 vel khan Thingkah leh Thingfal inkar, kawng thlanglam, kham hnuaiah ruang chhar a ni.

Lawngtlai post in a tarlan danin, Lawngtlai Police te chuan tlai dar 4 vel khan hemi chungchangah hian report an dawng a, a hmun ah kalin tihtur tul pawimawh an tifel a, ruang chhar nena inkaihhnawihna nei a ngaih mi pali te chu mitlawmngai kalkhawm ten manin Police kut ah hlan an ni.

He thihna hi engtianga thlengnge tih hriat hleihtheih a la nilova, he thihna a inhnamhnawih a puh mi pali te chu thubuai siamsakin Lawngtlai Police ten kawlin thil thlendan an zawtfiah mek.

Thi hi Abdul Ahmed (27) s/o Abdul Khalique of Jarua, Karimganj niin inhnamhnawiha puh mi pali te chu 1. Riaz Uddin Luskar(21) s/o Bariku Uddin of Shyambasa, Hailakandi 2. Bilal Ahmed (20) s/o Abdul Malik of Barigum, Karimganj (Driver) 3. Alizur Rahman (27) s/o Mekai Abdul Salam, Ranigram, Jaisinagar Assam leh 4. Sahaduth Hussain (20) s/o Abdul Rouf of Kanai Bazar, Puran village, Karinganj (Handlemen) te an ni.

Abdul Ahmed ruang hi District Hospital, Lawngtlai mitthi dahna ah dah niin naktuk ah Post mortem a ni ang.

Thudawn danin, police in an lak te hian Lawngtlai leh Thingfal inkar kham a ruang an paih lai chu kawng siam hnathawk, company lam miten an hmu a, ruang hi Thingfal YLA leh police ten an la chhuak a ni.