ZALEN, June 6, 2024; Leimin in a hnawl a boral, Matthew Lalchhanhima (34) h/o Vanlalruali (L), Aibawk ruang chu zawn chhunzawm zel a la ni.

Aibawk branch YMA hruaitute hnen atanga ZALEN thudawn danin, May ni 28, 2024 (Thawhlehni) zing a an kawmchhak leimin in a hnawl Matthew-a ruang hi Mizo dan anga a nawlpui a zawn tihtawp a nih hnuah pawh a awmna Aibawk, Salem section YMA ten an la zawn chhunzawm zel a, hmuh a nih loh zel chuan tun inrinni hian Aibawk branch YMA pum huapin hnatlang koh a ni ang.

Tarlan tawh thin angin, leimin vangin Matthew-a te nupa hi an boral a, a nupui ruang chu kar kalta lam khan Hortoki lamah hmuh a lo ni tawh a ni.