Aizawl: Rural Development Minister Lakruatkima chuan nimin khan a bial chhung Tuikual North a UD&PA in Futsal ground a siam leh Tuikual Lui thawm that dan tur a enfiah.

Cheng nuai 24 chuanga siam FUTSAL Ground tukin a khawtlang hruaitute nena enhonaah hian RD Minister Lalruatkima chuan thalai te infiamna leh an taksa hriselna tura hmun an neih chu Sorkar anga hmalakna development hnathawh pawimawh ber pakhat anih thu sawiin, Chief Minister Zoramthanga kaihhruai MNF sorkarin sports policy a ruahman chu lawmawm tiin kan thalaite ruihhlo leh thil dangin a tihbuaia an awm thin chu pawi tiin infiamna a nih bakah an taksa hriselna tura hmunhma changtlung zawk a bial chhungah siam zel tum a ni ati a, tuna Fustal ground siam puitlin a ni ta chu thalaite tan hmasanna a nih ngei a beisei tih sawiin la thawm that belh ngai pawh siam thuai a nih tur thu bialtu MLA hian a sawi bawk a ni.

Bialtu MLA, minister ni bawk, Lalruatkima chuan Aizawl thli luan khawmna hmun ber pakhat Khatla atanga Dinthar inkar lui dung chu mumal taka siam a tul avangin sorkarah ruahmanna siam a ni tih sawiin “Storm Water Canal in the area of Mizoram New Capital Complex (MINECO) Khatla, Tuikual, Dinthar & Chawnpui for prevention of soil erosion & flood management” hmalakna turin ruahmanna siam peih anih thu a sawi a ni. Bialtu Minister Lalruatkima hi Khawtlang hruaitu - Local Council, NGO leh party hruaituten an tawiawm a ni.