May 9, 2024; Excise & Narcotic Department leh Central YMA ten Ruihhlo Dap hnatlang (Joint Operation) an nei a, heroin hawng 4 an man.

Ni 7.5.2024(Thawhlehni) zan khan Excise & Narcotic Department leh Central YMA te chuan khawchhak lam atanga Ruihhlo lo lut nasa lutuk chungchangah khawchhak lam atanga lirthei rawn kal te Seling dai, Airfield ah leh Aizawl Electric Vengah te an endik a. Zankhuain tlaivar thakin lirthei kal vel 160 chuang an endik hnuah Heroine (No.4) Hawng 4 an man a, a neitu hi thuneitute kutah dah nghal a ni.

Joint Operation ah hian Excise & Narcotic Department lam hi an hotuten an ho a, Central YMA lam hi CEC leh Kumpuan Committee member te an ni a, OB ten an ho ve bawk a ni.

Joint Operation hi May 2,2024 a Excise Minister hova Excise & Narcotic Dept hotute leh Central YMA OB te thukhawmin an ruahman a ni a, joint operation hi a khat tawka tih an tum bawk.