Aizawl July 20, 2022 : Chief Minister Zoramthanga chuan, zirlaite chu anmahni leh an chenpuite, khawtlang leh ram tan mi chhenfakawm ni tur chuan nun uluk a, ruihhlo chi hrang hrang laka fihlim a pawimawh thu a hrilh. Ruihhlo kan tih loh theuh mai hian buaina kan insiam lo mai zel dawn, a ti.

Govt. Aizawl North College Freshers' Social cum Falicitation a hmanpui naah Chief Minister Zoramthanga chuan thalaite chu hlawhtlinna kawng an zawh naah hmasawnna tithuanawp thei ruihtheihthil laka filhim turin a chah. Chief Minister chuan zirlai tharte lawmna leh zirlai hlawhtlinna changte lawmna hun hmanna a telpui thei chu lawmawm tiin, "Sawrkar in sum tam tak sengin ngawlvei enkawlna hmunhma te a ruahhman thin te, NGO, kohhran leh khawvel huap pawha sum leh tha tam tak senga ruihhlo vanga kan buaina te hi keimahni theuhin ruihhlo kan tih loh theuh mai hian buaina kan insiam lo mai zel dawn a ni," a ti

Chief Minister chuan tumruhna leh chhelna nei tan ngam loh a awm loh thu sawiin, mahni inthunun tur chuan tumruhna nasa tak nei turin kalkhawmte a chah a ni.

He programme-ah hian an zirlai atanga MZU rank holder pali te hnenah lawmpuina Chief Minister hian a hlan a ni.