Ruihhlo laka fihlim nan infiamna uar a ngai -Zira
![](/storage/news/post/AlBdPh1AVNN0TwPrQ0StXEMhX2ZeACX9gNUKo1oz.jpg)
Aizawl: Power Minister R.Lalzirliana chuan, "Thalai tam tak ruih hlo laka an filhlim theih nan infiamna uar a ngai a ni," a ti.
Aizawl District Football Association (ADFA) in Zirtawpni kaltaa Silver Jubilee lawmna Art & Culture Auditorium, Berawtlang a neih a hmanpuina ah he thu hi sawiin Minister R. Lalzirliana chuan, "Football hi Mizote ngaihsan leh ngaihnat tak, veng leh khawtinin an tuipui em em, inpumkhatna thlentu a nih angin football hruaitute mawhphurna pawh a sang hle a ni," a ti a. Minister chuan football chu India leh khawvel hriata Mizote hming chawimawitu ber pakhat a nih thu sawiin sawrkar pawhin theihtawp chhuahin Football hmasawnna turin tan a la mek zel tih a sawi bawk.
Mizoram Football Association (MFA) aiawh a thusawitu MFA Hon.Secretary Lalnghinglova Hmar chuan football hruaitu ni tur chuan inpekna tak tak leh chan huam a thawh a ngai a ni, a ti a. Aizawl District Football Association hruaitute inpekna rah hmuh mek a nih thu tarlangin player tha tak tak chherchhuakin eizawnna atan a hmang tam tak an awm a ni tiin hruaitute inpek leh thawhhrimna fakawm a tih thu a sawi a.Tun dinhmun ah refree in daihlohna a lian hle tih sawiin helam a hma la turin ADFA hruaitute a ngen nghal a ni.
ADFA Hon.Secretary Lalbiakhlua sawi danin tun dinhmun ah ADFA hnuaiah Zone hrang hrang paruk a awm mek a. Kum 2022-2033 chhungin ADFA chuan club 34 enkawl mek in Ist Division Club -8; IInd Division Club -8 leh IIIrd Division Club-18 te an ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024