Aizawl; Tunhnai chho ah dan leh thupek kengkawhtuten ruihhlo (heroin) an man ngun hle a, chung ruihhlo an man sak zingah chuan state pawnlam mi, hnamdang an tam hle.

Police, Excise leh Assam Rifles ten ruihhlo an man a piangte thuchhuah siamin, an mi man te nihna etc. te an tarlang thin a, chungah chuan Mizoram pawn lam a phur chhuah tur heroin etc. a tam a, a kengtu/neitu ah pawh hnamdang an ṭhahnem hle.

Thuchhuah an siam thin atanga a lan danin, ruihhlo, a bikin heroin hi Champhai district chhung hmun hrang hranga man a tam a, chungte chu Myanmar atanga chawkluh nia ngaih a ni.

Hei bakah hian, Saitual district chhung Ngopa leh a chhehvel a man tam bawkin, Manipur atanga chawkluh nia ngaih a ni bawk.