ZALEN May 19, 2025; Social Welfare Department-in a hriat theih chinah Mizoramah ruihhlo ngai enkawlna 46 a awm mek.

Social Welfare minister-in thuthar thehdarhtute a kawmnaah he thu hi sawiin, ruihhlo ngai enkawlna 46 zinga center 11 chuan Ministry of Social Justice & Empowerment atangin fund an dawng thin tih a sawi.

Jordan Center, Sethawn, De-addiction Center atana hman reng thin chu tunah hian Afrer Care Skill Development Center atan kalpui tura ruahman mek a nih thu sawi bawkin, social welfare minister chuan, "Kohhran lam ten enkawl hna an thawk thei em tih kan zawt mek a, PCI leh BCM te kan bia a, anni hian an kalpui theih loh chuan sawrkarin a enkawl hna a chhunzawm ang," a ti bawk.