9, July: Pathianni khan Foundation For Drug-Free Mizoram chuan Nursery Venglai,  Presbyterian Kohhran, Aizawl, Tleirawl Chawhnu Inkhawmah Ruihhlo that loh zia an zirpui.

He huna resource person Prof. Lalbiakdiki Hnamte chuan tunlai a thalai te'n thil changkang leh nuam an sawina tawngkam 'Wow' chu hmangin Ruihhlo tel lo nun 'Wow' thlang turin tleirawlte a sawm a.

Tleirawl 60 te chu ruihhlo laka fihlim tura intiamin; signature card ah an hming an ziak. 

Inkhawmah hian he pawl tangka vawngtu Pi Ramthanzauvi chuan Foundation For Drug-Free Mizoramin Mizoram tuam chhuak tura hmachhawp an neih te tarlangin; ruihhlo laka tleirawl te venghim tura tha thawhna pawlah tel vek turin Mizoram mipuite a sawm.